Bann Morisien finn met zot konfians dan bann dirizan politik depi bien tro lontan, zis pou gagn bann promes kase, bann difikilte ki pe grandi ek bann desizion ki met enn fardo ankor pli lour lor bann fami ordiner.

Tantativ resan pou diminie pansion, malgre bann lasirans avan, ti ankor enn lot traizon sa konfians-la. Reform finn tini ferm avek lepep e finn zwe enn rol desizif pou fors Gouvernman rekile.

Me lager pou ou pansion pankor fini. Nu pu kontiyn met presyon lor Guvernman pu remet seki drwatman apartenir a lepep, servi tu mwayin demokratik ek legal ki ena si neseser.

Bann pansion se zis enn parmi plizir koz ki nou bizin defann. Reform pou kontinie lite pou lazistis, dinite, responsabilite, meyer loportinite ek enn Moris ki travay pou tou dimounn, pa zis pou enn tigit privilezie.

Larepons ki nou pe gagne atraver pei li inpresedan. Bann Morisien pe zwenn Reform an gran nomb. Nou pe organize lor teren, pe ranforsi nou bann lekip rezional ek pe batir enn mouvman nasional bien pwisan atraver tou parti Moris.

Vre sanzman pa pou vini kan atann ki bann mem politisien konport zot diferaman. Li pou vini kan bann sitwayin debout ansam e deside ki ase li ase.

Si to panse ki Moris merit meyer, konplet seksion Zwenn Rapid ou Partisipe zordi mem. Zwenn Reform, pran par ek ed nou amenn sanzman ki nou pei bizin.

Roshi Bhadain
Lider Reform

Click ici pou trouve nou bane reform. Nou pe continue travail pou ameliore nou bane reform.