Enn mesaz depi Roshi Bhadain

Depi tro lontan, bann Morisien finn met zot konfians dan bann dirizan politik ki promet tou avan eleksion, me ki, enn fwa o pouvwar, amenn zis dezilizion, difikilte ek plis sakrifis pou lepep.

Dernie tantativ pou diminie pansyon, kontrerman ar seki ti promet, ti ankor enn trahizon konfians bann Morisien. Reform finn debout ferm avek lepep ek finn zwe enn rol determinan pou fors gouvernman fer bak lor sa mezir-la, ek lor lezot desizion inzis.

Nou pou kontinie lager pou bann Morisien, pou plis lazistis, dignite, responsabilite ek pou enn pei ki travay pou tou dimounn, pa zis pou enn ti group privilezie.

Soutien ki nou pe gagne partou dan pei li san presedan. Deplizanpli Morisien pe zwenn ek soutenir Reform. Nou pe organize lor terin, pe ranfors nou bann lekip rezional ek pe konstrir enn vre mouvman nasional dan tou rezion Moris.

Sanzman pa pou vini si nou kontinie atann ki mem bann politisien azir diferaman. Li pou vini kan bann sitwayen zwenn ansam ek deside ki finn ariv ler pou repran zot lavenir dan zot lame.

Si ou anvi sanz pei, zwenn nou. 

Roshi Bhadain
Lider Reform